پہلا ڈپٹی کمشنر آل پاکستان والی بال لیگ باجوڑ کا شاندار آغاز

31 دسمبر 2025

ضلع باجوڑ میں پہلا ڈپٹی کمشنر آل پاکستان والی بال لیگ کا شاندار آغاز ہو گیا۔ افتتاحی تقریب میں ڈپٹی کمشنر باجوڑ جناب شاہد علی خان نے ٹرافی کی رونمائی کی اور افتتاحی میچ میں بطور مہمانِ خصوصی شرکت کی۔

ایونٹ میں مجموعی طور پر 8 ٹیمیں شریک ہیں جن میں ضلع باجوڑ کی 4، ضلع دیر لوئر کی 1، ضلع دیر اپر کی 1 اور ضلع مہمند کی 2 ٹیمیں شامل ہیں۔

افتتاحی میچ آیاز والی بال کلب چکدرہ اور مہمند والی بال کلب کے درمیان کھیلا گیا، جہاں دونوں ٹیموں نے شاندار کھیل پیش کرتے ہوئے شائقین سے بھرپور داد حاصل کی۔

تقریب میں ڈسٹرکٹ سپورٹس آفیسر باجوڑ،، ڈی ایس پیز عبد العزیز، قابل شاہ، والی بال ایسوسی ایشن کے صدر حبیب اللہ،عہدیداران اور بڑی تعداد میں کھیلوں کے شائقین نے شرکت کی۔ اس موقع پر ڈپٹی کمشنر باجوڑ شاہد علی خان نے کہا کہ کھیل نوجوانوں کو مثبت سرگرمیوں کی طرف راغب کرنے، صحت مند معاشرے کے قیام اور باصلاحیت کھلاڑیوں کو آگے لانے میں اہم کردار ادا کرتے ہیں۔ انہوں نے کھیلوں کے فروغ کے لیے ضلعی انتظامیہ کے بھرپور تعاون کے عزم کا بھی اعادہ کیا۔

پہلا ڈپٹی کمشنر آل پاکستان والی بال لیگ باجوڑ کھیلوں کے فروغ، نوجوانوں کی حوصلہ افزائی اور کھیلوں کی جانب ایک خوش آئند قدم ہے۔ عنقریب خار سپورٹس کمپلیکس میں کرکٹ ہاکی اور دیگر کھیلوں کے مقابلے منعقد کئے جائینگے۔